Zinema: “Inpunitatearen aurkako irudiak”
Zinema: “Inpunitatearen aurkako irudiak”
Martxoaren 13an “Inpunitatearen aurkako irudiak” zinema zikloa hasiko da, munduko zenbait tokitan mobilizazio baketsuen aurka izandako esku-hartze polizialei buruzko filmen sorta, zein izugarrizko sarraskiak izan baitziren. Lehendabiziko filmak, Derryn (Iparraldeko Irlanda), 1972an suertatutako gertaeretan du oinarri. Bertan, soldadu britainiarrek tiroka deuseztatu zuten manifestazio baketsu bat. Bigarrenak 1968ko urriaren 2an, Tlatelolcoko plazan (Mexiko DF) eragindako triskantza kontatzen du, Armadak planifikatutako triskantza, gizarte eta ikasleen mugimendua deuseztatzeko. Eta hirugarrenak 1976ko martxoaren 3ko gertaerak ditu mintzagai.
Martxoak 13, 19:30ean, Golem Baiona
Bloody
sunday
(Paul Greengrass, 2002)
1972ko urtarrilaren 30ean, igandearekin, Derryn, izan ziren
gertaeretan oinarrituriko fikzio filma.Eskubide zibilen aldeko
manifestaldi baketsuaren aurka oldartu ziren soldadu britainiarrak:
14 hildako eta beste horrenbeste balazko zauritu eragin zituzten.
Harrezkeroztik, ezer ez zen berdina izan Irlandan.
Aurkezleak:
Tony
Doherty, Derri-ko Bloody Sunday Batzordearen
bozeramailea.
Josu Jiménez Maia. Idazle eta
ekintzaile solidarioa. Irlanda bizi izan zen.
Martxoak 20, 19:30ean, Golem Baiona
Tlatelolco, las
claves de la masacre
(Carlos Mendoza, 2002)
Beti desitxuratua izan den egiari buruzko dokumentu baliotsua:
hildako asko; haien kopurua ez da jakin (zerotik bi milara doa; 300
da adostasun kopurua), eta haien 34 izen ezagutu dira, ez besterik,
36 urte geroago ikasiak. Haren irudiek eta ahotsek triskantzaren
gakoak igarri arazteaz gain, Olinpiada bat ospatzeko sarraskia
ezkutatzeko gai diren hiri eta lurralde batenak ere aurkezten
dizkigu. Iragarritako beste tragedia bat deitoratzeko Hiru Kulturen
Plazara 17 urte beroago itzuliko ziren gazteen gakoak.
Aurkezlea:
Norma Vázquez García. Feminista mexikarra, duela
20 urte inguru Bilbon bizi dena. Protagonista baino 1968ko ikasle
mugimenduaren “alaba” da, Tlatelolcoko sarraskiak sorrarazi zuen
izuaren eta abiatu zituen askatasunen oinordekoa.
Martxoaren 27, 19:30ean, Golem Baiona
La revolta
permanent
(Lluís Danés, 2006)
Filma Lluis Llach musikariaren oroitzapen autobiografikoen barnako
ibilbidea da. Bertan, 1976ko martxoaren 3an, Gasteizen, izan ziren
gertaeretako irudiak eta protagonisten lekukotasunak biltzen dira,
egun hartan 5 langile hil eta ehun baino gehiago zauriturik suertatu
baitziren Asisko San Frantzisko elizan egiten ari zen asanblada
batean poliziak esku hartu ondoren. Gau hartan bertan, amorruak
bultzaturik, Llachek “Campanades a morts” konposatu zuen,
urte haietako abesti enblematikoenetakoa izan zena. Hauxe da abesti
baten istorioa, idatzi zuen pertsonaren erretratua eta iradoki zuten
gertaeren kronika. Ahanzturaren aurkako errebolta etengabearen aldeko
oihua eta galdaketa.
Aurkezleak:
Lluís Llach i
Grande. Kataluniako abeslaria. Pelikularen
protagonista.
Jaume Roures Llop, pelikularen
ekoizlea, eta “Las cloacas de Interior” filmaren zuzendaria