Historialariek egia, justizia eta ordaina eskatu dute
Historialariek egia, justizia eta ordaina eskatu dute
Nafarroako 50 historialari 78ko sanferminetako gertaereekiko Egia, justizia eta ordaina eskatzen dituen agiri bat sinatu dute.
AGIRIA
1978ko sanferminetan jazotako gertaerak, gure herriak azken hamarkadetan pairatu dituen eraso larrienetako eta zigorgabetutzat jo ditzakegu, dudarik gabe, eta haren gaineko erantzukizun zuzena Polizia Nazionalari eta, funtsean, orduko UCDren gobernuari dagokie.
Alabaina, isiltasunak estali ditu gertaera haiek eta erakundeek ez dute urratsik eman haien inguruko EGIA berreskuratzeko, erantzuleekiko JUSTIZIA eskatzeko eta biktimekiko ORDAINA lortzeko neurriak hartzeko.
Hori guztia kontuan harturik, idazki hau sinatzen dugunok, Historia arloarekin lotuta gauden hainbat eremutako (irakaskuntza, ikerkuntza…) profesionalek, honako hau eskatzen dugu:
1.- Gure hiriko eta komunitateko erakundeek (Iruñeko Udala, Nafarroako Gobernua, Foru Parlamentua) eraso hura aitor dezaten, gure herriaren historiaz, orokorrean, eta sanferminez, zehatzago, egin beharreko edozein jardun ofizialetan sartzearen ondorioetarako.
2.- Zehatz mehatz, oroimen historiko hurbilari lotuta dauden gai horiek, sar daitezen dagozkien hezkuntza kurrikulumetan.
